Um ensk.is

Vefurinn ensk.is veitir aðgang að frjálsri, opinni ensk-íslenskri orðabók.

Orðabók þessi var unnin upp úr 3. útgáfu Ensk-íslenzkrar orðabókar Geirs T. Zoëga frá árinu 1932, sem er fallin úr höfundarétti, og er í raun eins konar 4. útgáfa, með ótal mörgum viðbótum og leiðréttingum. Nánari upplýsingar hér.

Íslensk og ensk málnotkun og stafsetning hefur breyst mikið undanfarna öld. Fyrir vikið þurfti að snúa ýmsum skilgreiningum yfir á nútímaíslensku, laga gamaldags orðalag og bæta nýjum færslum við eftir þörfum. Eins og stendur geymir orðabókin 35140 orðaskilgreiningar, þar af 5770 viðbætur (16,4%). Nánari tölfræði hér.

Orðabók þessi er gefin út í almannaeign (e. public domain) og nýtur hvorki höfundar- né einkaleyfisverndar. Öllum er frjálst að sækja hana, afrita, breyta og endurbirta að vild. Frumgögn á ýmsum sniðum má nálgast hér. Kóðinn á bak við vefinn er opinn á GitHub.

Ritstjóri og umsjónarmaður er Sveinbjörn Þórðarson.

Persónuvernd

Þessi vefur notar ekki vefkökur (e. cookies), vistar ekki leitir notenda á rekjanlegan hátt, krefst ekki JavaScript og nýtir ekki þjónustur á borð við Google Analytics til þess að safna tölfræði um heimsóknir.

Styrkir

Það krefst tíma og peninga að reka og bæta þessa netorðabók. Viljir þú styrkja rekstur og áframhaldandi vinnu er hægt að millifæra á Sveinbjörn Þórðarson (ritstj.), kt. 311281-5189, reikningsnúmer 0111-26-005189.

Einnig er hægt að nota PayPal: